Ginkumpirmar sang commander sang 303rd Infantry Brigade sang Philippine Army nga apat ang napatay sa nagluntad series of encounters sa tunga sang New Peoples Army kag 94th Infantry Brigade sang Philippine Army sa Barangay Carabalan, Himamaylan City, Negros Occidental kaina sang aga.
Sa interview sang Bombo Radyo kay Col. Orlando Edralin, alas 6:20 kaina sang umaga, nag-umpisa ang engkwentro kun sa diin nagdugay sang 20 minutos kag matapos ang 30 minutos nga kalinong, liwat na naman nga na-engkwentro sang Philippine Army ang ginabanta nga kapin 20 ka miyembro sang NPA nga grupo sang Central Negros 2.
Sa karun 50 ka mga pamilya ang nagpaduliong na sa evacuation center sa Carabalan Gym.
Ginpasalamatan naman ni Almonte ang mga residente kag barangay officals nga naghatag sang impormasyon sa lokasyon sang grupo.
Samtang, padayon ang hot pursuit sang 94 th IB sa area nga suno kay Almonte, amo man ang lokasyon nga ginluntaran sang engkwenrto sang Oktubre tuig 2022.
