Pilason ang apat ka lalaki matapos ginpangbuno sang tatlo ka suspetsado sa baylehan sa prk Liwayway Barangay Sewahaon 1 syudad sang Cadiz sang lunes alas 3:00 sang kaagahon.
Ang mga biktima ang gina lakipan sang edad 18 anyos single,mamumugon kag magulang sini nga 33 anyos, single, mamumugon, lunsay residente sang purok kasantolan, Barangay Sewahon 1 ciudad sang Cadiz; kasubong man ang 34 anyos, single, panday nga residente sang purok Sinnal-agan, Barangay VF Gustilo syudad sang Cadiz kag 28 anyos, single, mamumugon nga residente sang Purok Bjhoramaine, Barangay VF Gustilo sa ciudad sang Cadiz.
Samtang ang tatlo ka suspetsado nga ara sa legal nga pangidaron ang lunsay residente sang Purok Enting, Barangay Magsaysay, Cadiz City, Negros Occidental.
Sa interview sang Bombo Radyo Bacolod kay Police Lt. Lovella Cordova, deputy chief of Police sang Cadiz City Police Station madugay na nga naga-dinumtanay ang duha ka grupo gikan sa Brgy VF Gustilo kag Brgy Magsaysay.
Ang insidente natabo samtang naga patigayon sang pabayle ang Barangay Sewahaon 1 para saila nga kapiestahan.
Naka angkon sang samad sa tiyan nag duha ka mag utod samtang ang isa naman sa nawala nga abaga kag ang isa naman sa iya nga kamot.
Samtang ang mga Suspetsado naman naka palagyo kag padayon gina pangita sang kapulisan.
