Apat sa napilasan sa nagluntad nga hit and run sang Biyernes Santo, nakagwa na sa ospital

Nakagwa na sa ospital ang apat ka mga biktima nga napilasan sa nagluntad nga hit and run sa Brgy Alangilan, Bacolod City, sang Abril 18.

Sa interview sang Bombo Radyo kay Punong Brgy Roy ‘Nonoy’ Retiza, sang brgy Alangilan, may siyam na lang nga nabilin sa tatlo ka pribado nga ospital kun sa diin sila ginabulong.

Suno diri, may isa sa biktima ang nagakinahanglan nga operahan.

Suno pa kay Retiza, mismo si Bacolod City Mayor Alfredo ‘Albee’ Benitez ang naghambal nga saylohon ang mga biktma sa probado nga mga ospital.

Nagpangayo man sila sang bulig sa alkalde kag kay Bacolod City Lone District Congressman Greg Gasataya.

Samtang, estable naman sa karun ang kondisyon sang siyam nga nagapabilin nga ginabulong sa ospital.