Padayon ang pagbaton sang mga aplikante sang Bacolod Comprehensive Health Program (BacCHP) apang ang pag-release sang mga identification cards ang madelay bangud naglain na ang signatory.
Sa interview kay Atty. Marty Go, focal person sang BacCHP, indi pa tanan ang may yara sang ID bangud gin-hold anay ang releasing bangud naglain ang signatory.
Suno kay Go, as of July 20, 2025 ang kabug-usan nga nakarehistro sa BacChp ang nagdangat sa 143, 354.
Suno diri, padayon ang ila nga pagbaton sang maluyag nga magparehistro Bacolod Government Center kag pahibaluon lamang ang mga ini kun available na ang mga IDs.
Suno kay Go kun sa mga i-admit na sa ospital mahimo lamang ang mga ini magparehistro sa liason sa kada hospital kag ipakita lang ang requirements kaangay sang duha ka valid IDs kag dapat updated member sang Philhealth.
P15,000.00 ang coverage sang BACHP bangud ini ang nakasaad sa ordinansa samtang may yara sa gihapon sang gin-alokar nga pondo para diri.
