Ginbuksan na sang Land Transportation Franchising and Regulatory Board (LTFRB) ang application para sa special permits sang public utility vehicles (PUVs) bilang preparasyon sa pagdamo sang mga commuters sa palibot kag sagwa sang Metro Manila sa holiday season.
Suno kay LTFRB Chairperson Atty. Teofilo Guadiz III, ang application para sa special permits para sa Transport Network Vehicle Services (TNVS) ang nagsugod sang tinalikdan nga semana.
Para sa iban nga PUVs, ang application ang magabukas naman sa Disyembre 15.
Suno kay Guadiz, para sa special permit sa Christmas, magasugod sila sa pagbukas sang application sa Disyembre 15 kag ang special permit ang magasugod humalin Disyembre 20, 2024 tubtob Enero 4, 2025.
Samtang, ang application naman para sa special permits para sa public utility buses (PUBs) ang nagsugod sang Nobyembre 18 kag nagtakop sang Nobyembre 29.
Ang special permit ang mangin valid humalin Disyembre 23, 2024 tubtob Enero 3, 2025.
Suno sa LTFRB head, ang ini nga tikang ang consistent sa mandato sang LTFRB nga masiguro ang efficient kag safe public transportation para sa Filipino passengers.
