Matapos nga mahilway sa prisuhan, liwat naman nga nadakpan sa drug buybust operation ang apo ni anay Negros Occidental Representative Ignacio Arroyo.
Sa operasyon nga ginpatigayon sang Bacolod City Police Station 8 sa Barangay Pahanocoy, Bacolod City kaina sang aga, liwat nga nadakpan si Joshua Arroyo sang Barangay Alijis kag ang kaupod sini nga si Joselito Dagatan.
Sa interview sang Bombo Radyo Bacolod kay Police Major Joery Puerto, station commander sang Police Station 8, si Dagatan ang isa ka newly identified drug personality.
Nakuha sa paghinakop sang duha ang kapin 1.5 grams nga suspected shabu nga may estimated DDB value nga kapin P12,000.
Suno kay Puerto, masobra isa ka bulan ang ginpatigayon nga surveillance sa duha kag kaina sang aga natigayon nila nga madakpan.
Suno sa hepe, wala man sila sang tinulugan sa pagbantay sa duha tubtob sa madakpan ang mga ini.
Santo sa rekord, si Arroyo ang nalink man sa basketbolista nga si Maui Huellar, nga gintiro-patay sang tinalikdan nga tuig sa Barangay Villamonte.
Si Arroyo ang natiruhan man sadto sa iya abaga matapos nga gin-aligar nagtuyo nga punggan ang agent sang Philippine Drug Enforcement Agency (PDEA) sa pagsulod sa kwarto sini, nga katupad sang ginatiniran ni Manuel “Maui” Huellar Jr. nga punong barangay sadto sang Barangay 35, nga subject sang operasyon nga ginpatigayon sa isa ka inn sa Barangay Singcang Airport.
Naaresto sadto si Arroyo kaupod si Huelar.
Si Arroyo ang apo ni anay Negros Occidental Representative Ignacio Arroyo, nga utod ni anay First Gentleman Mike Arroyo.
Ginpahayag man ni Puerto nga wala nalakip sa watchlist sang police station ang duha.
Suno sa hepe, ginaimbestigaran pa nila ang mga gintuad ni Arroyo, kaangay sang pagkuha ang supply sang iligal nga druga paagi sa pagkontak sa isa ka persona nga yara sa sulod sang prisuhan.
