Naghingyo ang apo ni the late Senator Benigno “Ninoy” Aquino Jr. nga indi na pag-ulamiron ang ila pamilya sa mga issues nga nagapalibot sa tunga sang pamilya Marcos kag Duterte.
Bilang selebrasyon sang ika-92 nga kaadlawan ni Ninoy, pila ka mga supporters ang naghalad sang mga bulak sa iya lulubngan sa Manila Memorial Park sa Paranaque City.
Sa Tarlac City, pila ka mga guests ang ginhatagan sang kahigayunan nga malantaw ang Aquino Center and Museum, nga ginarenovate sa karun.
Ang assassination ni Ninoy Aquino ang sang damlag lang ginmitlang ni Vice President Sara Duterte sang iya ginkonekta ang insidente sa Marcos family.
Suno kay Duterte, nagpalag ang bilog nga pungsod sang ginpatay sang pamilya Marcos si Benigno Aquino Jr.
Suno kay Kiko Aquino Dee, apo sang anay Senador, kuntani indi na pag-imensyunar ang iya pamilya sa nagapadayon nga pag-ilinaway sang duha.
Suno diri, kuntani untaton na ini para sa pungsod kag indi na magginamo bangud nagakabudlayan ang mga Pilipino.
Dugang pa sini nga parehos lamang ang mga Marcos kag Duterte, lunsay mga ulo nga parehos nagapabudlay sa Pilipinas bangud madamo sang nagkalamatay sang tiyempo ni Marcos Sr. kasubong man ni Duterte.
