Nagpatigayon sang Alternative Delivery Mode (ADM) ang Apolinario Mabini Elementary School matapos nga gingamit ang buluthuan bilang evacuation center sang mga biktima sang sunog nga nagluntad sa Brgy 27, Bacolod City.
Sa interview sang Bombo Radyo sa school principal nga si Maria Corazon Alfiscar, 31 ka classrooms ang gingamit sang masobra 200 ka mga pamilya nga gin-evacuate.
Suno diri, lain ang rooms para sa senior citizens, PWDs, kag lactating moms.
Tubtob sa 15 ka adlaw nga magatinir sa buluthuan ang mga evacuees kag temporaryo nga nagpatigayon sang ADM ang Apolinario Mabini Elementary School.
May yara sang weekly learning matrix nga ginapatigayon agud matsekyar kun may natun-an ang mga kabataan sa pagpadala sang module sa ila kag may komunikasyon man ang mga manunudlo sa mga ginikanan kag estudyante kun may yara man sila sang pamangkot.
Samtang, wala naman sang problema sa tubig kag pagkaon ang mga evacuees sa pagtinir sa buluthuan.
