Ginpahagan-hagan sang Bacolod Housing Authority (BHA) ang pagbaton sang application para sa Yuhum Housing sa relocation site sa Arao.
Suno kay Bacolod City Mayor Alfredo ‘Albee’ Benitez, ang building 1 may 64 units naturn-over na sadto kag sang tinalikdan nga Sabado may 64 ka units pa gid nga ginturn-over.
Suno diri, kapin sa 300 ka units lang ang ginapatindog apang nagdangat na sa 900 ang nag-apply.
Sa karun may yara pa sang ikatatlo nga building nga may 80 units kag ikaapat nga building nga may 88 ka units ang ginahulat p nga iturn-over.
Suno sa alkalde, may yara man sang elevator para indi mabdulay sa mga residente ang pagpasaka kag pagpanaog.
Samtang, prayoridad sa karun nga mahatagan amo ang nagakinahanglan sang relocation, nagapangita sang affordable nga balay kag first time home owners.
Ang balayran sang home owners ang yara sa P2,194 kada bulan sa sulod sang 30 ka tuig para sa 24 square meters nga balay.
