Nagmando ang Malacañang sa tanan nga appointed officials sa idalom sang Presidential Communications Office (PCO) nga magsumiter sang ila courtesy resignations.
Ini agud mahatagan sang free hand ang bag-o nga Communications Secretary nga si Jay Ruiz nga mahimo ang iya responsibilidad kag katungdanan.
Sa dokumento gikan sa opisina ni Executive Secretary Lucas Bersamin nga napetsahan sang Pebrero 25, ginhatagan ang mga opisyales sang tubtob sang Pebrero 28 agud makasumiter sang ila courtesy resignations.
Sa sulat ni Bersamin, nakasaad nga tanan nga mga opisyal nga nalakip sa memorandum ang ginalauman nga magpadayon sa pagtrabaho magluwas nalang kun pauntaton sang presidente, Executive secretary ukon PCO Secretary.
Ginmanduan naman si Ruiz nga hugot nga imonitor ang compliance sang PCO officials.
