Nagfile na sang Certificate of Candidacy ang aktor nga si Arjo Atayde agud nga liwat nga magpadalagan bilang Quezon City 1st District Representative.
Gin-updan si Arjo sang iya nga iloy nga si Sylvia Sanchez-Atayde kag mga supporters sini sa pagfile sang COC sa Comelec National Capital Region Office.
Kalakip man sa nagsuporta kay Atayde amo si QC Mayor Joy Belmonte.
Suno kay Atayde, luyag sini nga padayunon ang mga naumpisahan nga mga programa kag proyekto nga nakabenepisyo sa distrito sa first district sang Quezon City.
Sa iya nga first term, ginduso ni Atayde ang mga importante nga hagna kaangay sang Eddie Garcia Law, ang Internet Transactions Act, the Anti-Agricultural Economic Sabotage Act, kag ang Magna Carta of Filipino Seafarers Act.
Madumduman nga pila ka beses man nga nagpanawagan si Atayde para sa flood control projects sa Quezon City nga masami nga ginabaha sa tion nga maglain ang tiyempo.
