Nagpasalig ang Bacolod City Police Office nga matawhay ang sitwasyon sa Bacolod Police Station 10 kasunod sa impormasyon nga may nasiplatan nga armado nga grupo sa sakop sang ila area.
Sa interview sang Bombo Radyo Bacolod kay Police Captain Sherwin Galupar, station commander sang Bacolod Police Station 10, nakareport na ini sa headquarters para sa monitoring sang intelligence group kaangay sang intelligence agencies kag mobile force companies.
Suno diri, ang area sang Police Station 10 ang yara gid sa boundary sang ciudad sang Bago kag banwa sang Murcia kag kun kaisa may sightings sa area nga malapit sa may boundary may yara sang nakasulod sa ila area of responsibility.
Apang, nagpasalig si Galupar nga safe kag matawhay ang area sang Police Station 10.
