Armas nga ginsungka sa mga otoridad sa northern Negros, malapit na 180

Kapin 176 ka mga loosed firearms kag 12 ka mga explosives na nasurrender sa 1st NOCPMFC humalin sang gin-implementar ang inisyatibo nga Armas Baylo Bugas.

Sa interview sang Bombo Radyo kay Police Lt. Col. Nazer Canja, officer in charge sang 1st NOCPMFC, kabug-usan nga 286 ka sako na sang bugas ang ila napanagtag humalin sang nagsugod ang programa.

Suno kay Canja, may nagsurrender sang tatlo ka mga loosed firearms sa Barangay Rizal, Silay City nga ginalakipan sang duha ka .38 calibre revolver kag isa ka improvised shotgun.

Ang mga pumuluyo nga nagsungka sang ila mga armas ang nakabaton sang tag isa ka sako sang bugas subong man ang mga nagfacilitate sa pagsurrender sang mga armas.