Nagademand ang Armed Forces of the Philippines sa Chinese government nga magbayad sang P60 million para sa damage nga gintuga sang China Coast Guard sa assets sang Pilipinas sang Hunyo 17.
Madumduman nga nakaangkon sang bayolente nga insidente ang Pilipinas kag China sa West Philippine Sea matapos nga gin-intercept sang CCG ang resupply mission sang Pilipinas sa BRP Sierra Madre sa Ayungin Shoal.
Ginaalegar nga duha ka mga motorboats ang ginguba sang pwersa sang China kag ginpangkuha man ang personal nga mga gamit sang Filipino Navy officers kasubong man ang ila mga armas.
Nagademand man ang AFP nga i-uli ang pito ka mga firearms nga ginconfiscate sang China Coast Guard.
Suno kay AFP chief Gen. Romeo Brawner Jr., nagpadala ini sang sulat sa Defense Secretary sang Pilipinas agud ini ang mapasa sa Department of Foreign Affairs, nga amu ang magapalab-ot sini sa ila counterpart sa China.
