MYANMAR – Ginpahayag ni army chief Min Aung Hlaing nga nagpahayag ang junta sa Myanmar nga pamatyon ang mga nagapatigayon sang coup d’etat karun nga ang militar ang nagapakita na sang pwersa sa isa na ka tuig nga madugo nga crackdown sa mga nagapatigayon sang democratic protests.
Madumduman nga ang Southeast Asian country ang yara na sa kinagamo humalin sang ginpatigayon ang bayolente nga pag-agaw sang gahom sa gobyerno sang Pebrero 2021, kun sa diin masobra 1,700 na ang mga napatay gikan sa mga crackdowns batok sa mga nagaprotesta, santo sa isa ka local monitoring group.
Sa palibot sang Myanmar, ang “People’s Defense Force” fighters nga masami armado sang homemade ukon rudimentary weapons ang naga-engkwentro sa junta troops, kun sa diin santo sa pila ka analyst, nabudlayan ang militar sa pag-atubang sa mga ini bangod sa ila nga hit-and-run nga taktika.
Ang pag-ilinaway ang nagtuga man agud nga madamo sang iban pa ang nagtukod man sang ethnic rebel groups sa Thai kag Chinese borders.
Samtang nagapanguna sa annual parade nga nagashowcase sang mga tangke, truck-mounted missiles, artillery kag military troops nga nakasakay sa kabayo, ginpahayag ni Min Aung Hlaing sa kapin 8,000 ang nag-assemble nga security personnel nga ang army ang indi maga-untat.
Pahayag sini sa Armed Forces Day procession sa army-built capital nga Naypyidaw nga ang militar ang indi na maganegosyar, kag pamatyon na ang mga kasumpong tubtob sa maubos.
Naglupad naman sa kahawaan ang mga jets kag nagbilin sang yellow, red kag green nga nagasimbolo sang national flag, samtang ginpakita naman sang state media ang mga babayi nga nagalinya sa dalanon padulong sa parade ground agud nga maghatag sang bulak kag magtakod sang garlands sa mga nagamartsa nga mga suldado.
