Armyworms, nagtuhaw sa pila ka bahin sang 5th District pila ka adlaw matapos ang pag-ulan

Gindagsa sang army worms ang pila ka mga barangay sa 5th District sang Negros Occidental.

Sa interview sang Bombo Radyo Bacolod Negros Occidental 5th District Congressman Dino Yulo, ginkumpirmar sini nga apektado na sa karun sang army worms ang Barangay Cabadiangan sa ciudad sang Himamaylan, Brgy. Santol sa banwa sang Binalbagan kag pila ka mga barangay sa banwa sang Isabela.

Suno diri, padayon ang ila nga pagtsekyar sa mga area nga posible nga naapektuhan man sang pagduging sang mga ulod.

Kalabanan sa nahalitan sang mga army worms amo ang mga pananom kaangay sang mais kag tubo.