Nagapatigayon sa gihapon sang hot of pursuit operation ang katapo sang 79TH Infantry Battalion sang Philippine Army batok sa Northern Negros Front (NNF) sang New Peoples Army sa Barangay Macasilao banwa sang Calatrava.
Madumduman nga may nagluntad nga engkwentro sa tunga sang 79th Infantry Battalion (79IB) kag sang Northern Negros front (NNF) sang tinalikdan Oktobre 6, 2024.
Sa interview sang Bombo Radyo kay 79th Infantry Battalion Commander Lieutenant Colonel Arnel Calaoagan, gin-pangunahan ni Arnel Tapang ang grupo nga na-engkwentro sang 79IB.
Si Tapang ang may kaso nga pagpatay sa banwa sang Toboso kag Calatrava kag may patong sa ulo nga P1 Million.
Padayon man ang pagpatigayon sang clearing operation sang tropa sang gobyerno sa mga nagpalagyo nga miyembro sang rebelde nga grupo.
