Gin-athag sang political analyst nga wala na sang apelasyon sa baylo hulaton na lamang ang extradition kay expelled Negros Oriental 3rd District Congressman Arnolfo “Arnie” Teves.
Sa interview sang Bombo Radyo Bacolod kay Atty Jomax Ortiz, gingrant na sang Timor Leste ang una nga extradition request sang Pilipinas, apang nagfile sang appeal si Teves bangod sa wala nasunod nga due process.
Bangod sini ginpabalik sang korte agud masuguran ang proseso kag sa ikaduha nga kahigayunan liwat na nga gingrant ang extradition request.
Bangod ini ang kompleto na, pahayag ni Ortiz nga wala na sang appeal nga matabo, apang aminado ini nga indi pa makahatag sang timeline kun san-o mabalik sa Pilipinas ang anay kongresista.
Ginalantaw sang abogano nga indi luyag sang administrasyon nga maghatag sang pasalig sa timeline, kaangay sadto sa pagpagwa sang pahayag nga sa nasambitan nga petsa makapagwa na sang warrant of arrest ang International Criminal Court batok kay former President Rodrigo Duterte, apang tubtob sa karun wala man natabo.
Suno kay Ortiz, ini ang nagapakita lamang nga bisan magpalagyo sa luwas sang pungsod ang kriminal sila ang malagas gihapon sang gobyerno sang Pilipinas paagi sa pagkanselar sang ila passport kag visa.
Sila ang makapanago lamang kun mahatagan sang asylum.
