Arrest warrant, ginpagwa na batok sa DPWH Contractors nga Discaya couple kag siyam ka iban pa angot sa flood control scandal

Nagpagwa na ang Regional Trial Court of Malolos sang warrant of arrest batok sa mga kontratista nga sanday Pacifico “ Curlee” Discaya kag asawa nga si Sarah, kaupod ang siyam pa ka mga indibidwal, angot sa kaso nga malversation through falsification of public documents.

Ang kaso ang may kaangtanan sa kickback scheme sa mga flood control projects.

Kalakip sa mga ginkasuhan sanday Merg Jaron Laus, Brice Ericson Hernandez, Jaypee Mendoza, kag iban pa.

Ginrekomendar man sang korte nga wala sang pyansa para sa 11 ka akusado.

Samtang, ginpahayag ni DILG Secretary Jonvic Remulla nga kuhaon si Curlee Discaya halin sa Senado kag dal-on sa Bulacan sa Hunyo 8 agud ipaidalom sa kustodiya sang korte.