Ginbalikan pa sang arson investigators sang Bacolod City Fire Station ang nasunugan sa Purok Calachuchi, Brgy 9, Bacolod City agud matumod ang gintunaan sang kalayo.
Sa intreview sang Bombo Radyo Bacolod kay Fire Superintendent Jenny Mae Masip, fire marshal sang Bacolod City Fire Station, natumod nila ang ginhalinan sang kalayo nga ikaduha nga panalgan sang balay ni Roberto Maligdong. Ang sunog ang nakahalit sang 7 ka balay nga ginalakpan sang 7 nga totally damaged kag duha nga partially damaged.
Samtang P155,000 naman ang ginabanta balor sang kahalitan.
Suno kay Masip, wala pagid nila matumod ang gintunaan sang sunog bangod ang dingding sang kaingod balay ni Maligdong ang narumpag kag nagtupa sa ila.
Bangod sa mga debris, indi man makita kun paano gid nag-umpisa ang kalayo.
Apang ginalantaw na sini nga malayo ang mga alegasyon nga gikan sa gwa sang balay ang kalayo, bangod madamo sang gilayon nga makakita.
May pahayag man ang miyembro sang ginhalinan sang kalayo nga mahimo ang nabiyaan nga charger ang nagtuga sang sunog.
