Nabaton na sang Senado ang articles of impeachment batok kay Vice President Sara Duterte kagab-i, Mayo 13.
Ginkumpirmar man ni House Secretary General Cheloy Garafil nga nabaton ni Senate Secretary Dong Mendoza ang articles of impeachment.
Nag-abot ang mga dokumento sakay sa convoy naggikan sa House of Representatives.
Ginbaton ini sang Senado pasado alas-7:00 sang gab-i sa pihak sang nagapadayon nga tensyon sa sulod sang Senado.
Madumduman nga na-impeach si VP Sara sang Lunes, Mayo 11, sa House Committee on Justice sa boto nga 257 pabor, 25 ang nagpamatok, kag siyam ang nag-abstain.
Matapos ma-transmit ang impeachment articles sa Senado, nakatalana nga magserbe bilang impeachment court ang upper house congress para sa trial.
Nauna na nga ginpasiguro ni Senate President Alan Peter Cayetnao nga “forthwith” ukon gilayon nga magco-convene ang Senado sa oras nga mabaton ang articles of impeachment.
