Paagi sa pagbinotohay nagikan sa isa ka motion, ginbalik sang Senado, nga nagatindog sa karun nga impeachment court, sa House of Representatives, ang impeachment case batok kay Vice President Sara Duterte.
Apang wala ini nagapatimaan nga ginbasura ang nasambit nga kaso.
Sa session sang Martes, ginbotohan ang motion nga ginfile ni Senator Bato Dela Rosa, nga gin-ammend ni Senator Alan Peter Cayetano, nga ibalik sa Kamara ang kaso bangud may mga issue nga kinahanglan nga ma-athag.
Nakabutang sa motion nga wala nagapatimaan nga ginabasura sang Senado ang nasambit nga kaso batok kay Duterte.
Matapos ang botohan, 18 ka mga Senador nga nagaserbi nga judges nga ang nagboto nga pabor nga ibalik sa Kamara ang kaso, lima ang nag-object kag wala sang nag-abstain.
Ang mga nagpamatok amo sanday Minority Leader Aquilino “Koko” Pimentel III, Deputy Minority Leader Risa Hontiveros, Sen. Grace Poe, Sen. Sherwin Gatchalian, kag Sen. Nancy Binay.
Ang mga nagpabor naman amu sanday Dela Rosa, Sen. Robin Padilla, Sen. Christophern Lawrence “Bong” Go, Senate Majority Leader Francis Tolentino, Sen. Imee Marcos, Sen. Cynthia Villar, Sen. Mark Villar, Senate President Pro Tempore Jinggoy Estrada, Sen. JV Ejercito, Sen. Ramon Revilla Jr., Sen. Joel Villanueva, Sen. Lito Lapid, Sen. Alan Peter Cayetano, Sen. Pia Cayetano, Sen. Loren Legarda, Sen. Raffy Tulfo, kag Sen. Juan Miguel Zubiri.
Bangud sa nasambit nga motion, wala sang may matabo nga presentation sang articles of impeachment nga gintalakay kuntani subong nga adlaw nga pagahimuon sang panel sang Kamara.
