Padayun sa karun ang pag-install sang artificial turf ukon artificial grass sa football field sang Bacolod City National High School.
Sa interview sang Bombo Radyo Bacolod kay Bacolod City Administrator Atty Mark Steven Mayo, ini ang kabahin sa preparasyon sang ciudad para sa Batang Pinoy 2026 nga i-host sang Bacolod City sa Disyembre 12 tubtob 18.
Target nga ini ang matapos sa mid-October ukon antes matapos ang bulan sang Oktubre.
May-ara naman sang suga sa football field agud nga ini ang magamit bisan sa mga gab-i nga event.
Apang isa sa ginaduso pa sang ciudad nga mabutangan sang bench ang palibot.
Aminado si Mayo nga may area nga may bench, apang indi pa makumpleto.
Ginatinguhaan nga mapondohan kag mapalapad sa sitting capacity agud makasulod sa International Standard.
Pinaagi sini, mahimo nga magamit ang football field nga venue sa iban pa nga mga National kag International Sporting event sa palaabuton.
