Nagalaom si American-Filipino skier Asa Miller nga makahampang ini sa 2026 Winter Olympics matapos natapos ang iya Beijing campaign sa duha ka DNFs ukon (did not finish) sa men’s giant slalom kag slalom events.
Ang 21-anyos nga skier ang nagpabutyag sang iya paghinulsol matapos wala nakahatag sang maayo nga performance para sa Pilipinas apang ginpahayag nga magabalik ini nga mas makusog para sa pungsod apat ka tuig humalin subong sa Italy.
Nagalaom ini nga makahampang sa 2026 Winter Olympics kun siya ang magpadayon sa pagski.
Agud makaagom sang dugang nga eksperyensya, nagaplano si Miller nga magcompete sa pila man ka mga hampang sa Estados Unidos tubtob sa Abril kag nagalaom nga padayon nga marepresentar ang Pilipinas.
Aminado ini nga mabudlay mahibaluan kun ano ang mga matabo apang excited ini nga irepresentar ang pungsod.
Si Miller ang nagpadulong si Beijing agud malapawan kuntani ang iya performance sa Pyeongchange Winter Games sang 2018 apang wala sini natapos ang duha ka events bangud sa kadanlog sa snow.
Aminado man ini nga indi siya 100 porsyento nga kumpiyansa sang siya ang nagaperform.
