Patay ang 45 anyos nga babayi matapos ginkastigo sang iya hubog nga bana sa Sitio Cabansan, Brgy. Orong, Kabankalan City, Negros Occidental sang Sabado, Abril 25, ala-1:30 sang kaagahon.
Ang biktima ang ginkilala lamang nga si Alyas Maria, 45 anyos, housewife; samtang ang suspect nga iya bana, ang ginkilala nga si Alyas Jojo, isa ka mamumugon, residente sa lugar.
Sa initial investigation sang Kabankalan City Police Station sa bata sang duha, nagpauli ang iya amay nga yara sa impluwensya sang makahulubog nga ilimnon.
Nagluntad ang pagbina-isay sa tunga sang iya mga ginikanan, tubtob nga ginkastigo na sang amay ang iya iloy.
Suno sa bata, sa dalayon nga pagkastigo sang iya amay, nakita sini nga nagasuka na sang dugo ang iya iloy gani siya ang nagpangayo na sang tabang sa mga opisyales sang barangay.
Gilayon man nga nagresponder ang mga opisyal kag gindala sa Lorenzo District Memorial Hospital ang biktima, apang ini ang gindeklarar nga dead on arrival.
Ginsurrender naman sang isa ka Barangay Kagawad ang suspect sa Kabankalan City Police Station.
