Ang mga babayi ang may yara sang abilidad nga makahibalo kun ang ila bana ukon partner ang nagaluib.
Apang paano kun matukiban mo nga nagaluib ang imo bana kon aga paagi sa electric toothbrush.
Bilang iloy sang duha ka mga kabataan, luyag kuntani sang nasambit nga babayi nga ma-monitor ang brushing habits sang iya mga anak gamit ang electronic toothbrush nga nakaconnect sa smartphone app.
Sa nasambit nga app, makita kun ano oras gingamit ang toothbrush.
Ginkatingala man sang iloy kun ngaa nagagwa sa app nga may nagagamit sang electric toothbrush sa mga oras nga yara sa eskwelahan ang iya kabataan kag yara sa ubra naman kuntani ang iya bana.
Sang ulihi, nanotisaran sang babayi nga kaangay nalang nga may pattern ang paggamit sang toothbrush.
Didto kag nadiskubrehan niya nga wala nagakadto sa ulubrahan ang iya bana kada Biyernes sang aga kag sa baylo, nagatinir ini sa ila balay kaupod ang iya workmate kun wala na ang iya mga bata kag asawa.
