Ginkumpirmar sang Abang Lingkod Representative nga may yara sang patigayunon nga dako nga pagtililipon subong nga adlaw sa Paglaum Sports Complex sa ciudad sang Bacolod.
Ginpahayag ni Congressman Stephen Paduano, ginalauman nga 40 mil ka mga tawo ang magatambong igalunsyar nga Asenso local party.
Suno kay Paduano, paagi sa nasambit nga pagtililipon, tinguhaan nga maghugpong ang mga lideres sa ciudad sang Bacolod sa idalom sang asenso party sa pagpanguna ni Bacolod City Mayor Alfredo “Albee” Benitez.
Pila sa magatambong amo ang mga lideres sang barangay, mga miyembro sang grupo ni Congressman Paduano.
Mahimo man makatambong ang nagikan sa iban nga grupo sa nasambit nga pagtililipon.
Ginpahayag man ni Paduano nga si Bacolod City Vice Mayor El Cid Familiaran kag apat pa ka iban nga miyembro sang pihak nga grupo ang magatambong sa launching sang Asenso Local Party.
