Gina-assess na sang Department of Social-Services & Development (DSSD) sang ciudad sang Bacolod ang mga biktima sa nagluntad nga sunog sa Barangay 29, Bacolod City.
Sa interview sang Bombo Radyo kay Alma Gustilo, Officer in Charge sang (DSSD)- Bacolod, nakahatag na ang DSSD sang mga foodpacks sa mga biktima kag yara man ang bulig sang City Disaster Risk Reduction and Management Office (CDRRMO) kag Department of Social Welfare and Development (DSWD) sa pagpanagtag sang food kag non food items kag mga hygiene kits para sa mga biktima.
Magahatag man sang bulig ang Local Government Unit sang bulig nga P15,000 sa totally damaged nga balay, P10,000 sa partially damaged kag kapin sa P5,000 sa mga sharers kag renters.
Suno diri, sa ila nga partial nga assessment 39 ka mga pamilya ukon 117 ka mga indibidwal ang bitkima sang sunog sa Barangay 29.
Sa karun, ginaprocess na sang social worker sang ciudad ang mga data kun pila ang final nga damaged nga balay kag pamilya nga apektado.
