Asupre, liwat nga napanimahuan sa mga Barangay nga yara sa tiilan sang Bulkan Kanlaon

Liwat nga napanimahuan ang baho sang asupre sa pila ka mga lugar malapit sa tiilan sang Bulkan Kanlaon, humalin sang Oktubre 28.

Ginpahayag ni Mari Andylene Quintia ang Resident Volcanologist sang DOST-PHIVOLCS Kanlaon Volcano Observatory, nagreport ang pila ka mga pumuluyo sang Brgy. Masulog, Brgy. Panubigan, Brgy. Binalbagan, kag proper sang Canlaon City nga sila ang nakapanimaho sang baho ka asupre.

Wala naman sang may nareport nga lahar flow sa lugar sa pihak sang mainulanon nga panahon.

Dugang pa ni Quintia, yara sa gihapon sa ‘unrest stage’ ang bulkan kag indi mapaktan ang possible nga mangin aktibidad sini.