Nagapati ang political analysts sa ciudad sang Bacolod nga dako ang posibilidad nga makabalik sa Pilipinas si Former Presidential Spokesperson Atty Harry Roque matapos nga gindeny sang The Netherlands ang pag-apply sini sang asylum.
Sa interview sang Bombo Radyo Bacolod kay Atty. Jomax Ortiz, kun gindeny ang political asylum mapilitan nga magbalik na sa Pilipinas si Roque bangud expired na ang visa kag kanselado pa ang passport.
Suno kay Ortiz, diri man lagson sang International Criminal Police Organization ukon Interpol.
Suno diri may nagagwa nga desisyon kaangay sang pagkanselar sang asylum request sang anay Presidential Spokesperson bangud may nagaimpluwensya agud himuon ini.
Ginpahayag man sang abugado nga sa karun may yara sang mga nagahimo sang tanan nga masarangan agud nga masiguro nga indi mahatagan sang tsansa nga makapungko sa pwesto ang mga Duterte.
Dugang pa sini gustuhon man natun ukon indi may yara sang foreign nation nga nagaimpluwensya sang political landscape sang Pilipinas.
Suno diri, wala man nagadirekta apang nagaimpluwensya sa political landscape ilabi na nga may yara sang security interests sa Pilipinas.
Suno kay Ortiz kaangay lamang sang pagdeny sang asylum request Atty Harry Roque sa Netherlands ang bangud sa impluwensya sang Marcos Administration sa nasambit nga pungsod.
Gani indi na matingala nga bisan may impluwensya si anay Negros Oriental 3rd District Representative Arnulfo “Arnie” Teves ang nadala sa Pilipinas gikan sa Timor Leste.
