Ginalantaw sang abugado sa syudad sang Bacolod nga luyag lamang ni Negros Oriental 3rd District Representative Arnolfo Teves Jr. nga protektahan ang emosyon sang mga babayi nagikan sa pagbaya sang mga lalaki nga wala sang kabangdanan, matapos sini nga ginduso ang anti-ghosting bill.
Sa interview sang Bombo Radyo Bacolod kay Atty. Jomax Ortiz, highly controversial ang hagna nga ginaduso sang kongresista.
Suno kay Ortiz, daw kaangay lamang nga nagapakontisanay si Senator Robin Padilla kag Senator Raffy Tulfo sa pagduso sang mga kontrobersyal nga mga hagna.
Suno diri, sa anti-ghosting bill nga ginaduso ni Teves mahimo nga mangin mainit ini nga diskusyon sang mga kongresista sa tion nga ini ang ideliberate na sa kongreso.
Balantayan naman kun ini ang ipasar agud mangin layi.
Suno kay Ortiz, mahimo nga luyag lang ni Teves nga proteksyunan ang emosyon sang mga babayi bangud sa iya paglantaw madamo sang mga babayi ang ginabayaan sang mga lalaki.
Santo man sa masami nga nagakatabo ang babayi ang pierde kun bayaan ilabi na kun nakaagi na live-in, bangud ang babayi ang nagaka-devirginize samtang ang mga mga lalaki ang wala.
Ginalantaw man ni Ortiz nga kun may yara man sang nakaigo nga rason ang lalaki kaangay nga gintunto man ini sang babayi kag nadakpan sa akto, indi man ini makasuhan sang emotional offense sa tion nga mapasar ang hagna kag mangin layi.
