May panugyan ang Assistant Regional Director sang Commission on Election – Negros Island Region sa mga botante kadungan sang adlaw sang eleksyon bwas, May 12.
Sa interview sang Bombo Radyo Bacolod kay Atty. Jossil Macute, ang mga senior citizen, mga nagabusong kag mga Persons With Dissability ang mahimo makaboto alas 05:00 ang takna sang kaagahon tubtob alas 7:00 ang takna sang aga apang mahimo sila magboto tubtob alas 7:00 ang takna sang gab-i.
Suno kay Macute, kun mahimo aga pa ang mga botante nga magpadulong sa voting centers agud makaboto temprano pa.
Suno diri, magdala sang pagkaon, tubig kag payong agud nga may proteksyon sa mainit nga panahon kag masiguro nga indi magutman kag indi madehydrate.
Gindeploy naman ang mga election paraphernalia sang mas temprano sa mga malagyo nga lugar sa Negros Island Region agud nga masiguro nga wala sang delay.
Samtang may yara naman sang nadakpan nga pila ka mga persona nga naglapas sa COMELEC Liquor Ban sa probinsya sang Negros Oriental kag ciudad sang Bacolod.
