Magabiya na si Atty. Katrina Trinio Caña bilang Election Officer sang Commision on Election (COMELEC) Bacolod sa Setyembre 15, 2026.
Siya naman ang magaserbe bilang Clerk of Court sang Regional trial Court Branch 52.
Si Atty Caña ang anum ka tuig nga nagpungko bilang election officer sang ciudad humalin sang 2020 kag 20 ka tuig sa serbisyo.
Suno kay Caña, ginakabig niya ini nga promotion bangud mas mataas ang salary grade sang Clerk of Court.
Ginkumpirmar man sini nga wala na siya sa posisyon sa tion sang filing sang Certificate of Candidacy para sa Barangay and Sangguniang Kabataan Election sa Setyembre 28 tubtob Oktubre 5 nga patigayunon sa third floor sang SM City Bacolod.
Samtang, ang katapusan nga adlaw sang filing patigayunon sa Liga ng mga Barangay sa San Juan St. sa Oktubre 5.
Sa karun, wala pa siya sang impormasyon kun sin-o ang magabulos sa nabakante nga posisyon.
Pahayag man sini nga kun maghalin na siya, posible nga may ibulos nga acting ukon temporary ukon concurrent sa iya posisyon.
Sa pihak sini, ginapasalig ni Cania nga preparado na ang tanan kag nagapadayon ang preparasyon sang COMELEC Bacolod antes siya magbiya sa iya posisyon.
