Nag-atras na si Atty. Michael Poa bilang spokesperson sang defense team ni Vice President Sara Duterte sa impeachment trial, suno kay counsel Justin Nicol Gular.
Suno diri, nagakadapat lamang nga temporaryo nga manaug si Poa sa iya nga katungdanan bilang spokesperson bangud ipresenta siya bilang testigo sa impeachment court.
Ginalauman nga pagatawgon sang House prosecution panel si Poa bilang witness subong nga adlaw, Setyembre 2.
Si Gular ang magaserbe bilang deputy spokesperson sang defense team sa subong.
Ginpahayag man ni Gular nga wala na sang komunikasyon ang defense team kay Poa matapos ini ginlista bilang witness.
Suno pa diri, wala na nagatinir si Poa sa defense holding room.
Samtang, ginpaathag naman sini nga indi estratehiya sang defense team nga himuon nga “boring” ukon “theatrical” ang impeachment trial.
Nahanungod naman sa nangin desisyon nila nga indi na i-cross-examine si Army Colonel Manaros Boransing II, ginsiling ni Gular nga wala sila sang nakita nga issue sa testimonya sini.
Ginhingyo man ni Gular sa publiko nga mangin mapinasensyahon, obserbahan ang proceedings, kag pamatian man ang iban nga eksperto sa layi.
