Nagbiya na bilang legal counsel ni anay President Rodrigo Duterte sa International Criminal Court (ICC) si Atty. Nicholas Kaufman kasunod sang pagtapos sang iya isa ka tuig nga kontrata sang Marso 31, 2026.
Sa ginfile nga resignation ni Kaufman sa ICC nga may petsa nga Mayo 8, ginpahayag sini nga nagkasugtanay sila ni Duterte nga tapuson na ang ila nga professional engagement.
Suno kay Kaufman, nakapili na ang anay presidente sang bag-o nga abogado nga maga-uyat sang depensa sa ginapangatubang nga kaso nga crimes against humanity may kaangtanan sa kontrobersyal nga ‘war on drugs’ sang iya administrasyon.
Suno diri, naka-istoryahanay na sila sang bag-o nga legal counsel ni Duterte kag ginpasalig sini nga gilayon nga mag-take over sa kaso, lakip na ang pag-atubang sa masunod nga ICC trial nga natalana sa Mayo 27, 2026.
Ginpasiguro naman ni Kaufman nga may bastante nga eksperyensya sa ICC ang ginbulos nga legal counsel sang anay presidente agud nga indi maapektuhan ukon maatrasar ang progreso sang kaso ni Duterte.
Kadungan sa pagbiya ni Atty. Kaufman, nagpangayo ini sang pormal nga pahanugot gikan sa ICC nga mag-atras bilang counsel, santo sa proseso kag mga pagsulundan sang korte.
Sa subong, wala pa sang ginpagwa nga pahayag ang kampo ni Duterte tuhoy sa bag-o nga legal counsel sini.
