Gindesignar si Provincial Legal Officer Atty. Alberto Nillas Jr. bilang bag-o nga overall security head sang Negros Occidental provincial government.
Santo sa memorandum, tanan nga mga security agency personnel ukon blue guards nga nakakontrata sa Negros Occidental Provincial Government ang dapat nga magreport exclusively kay Atty. Nillas kag sa duha ka immediate supervisors nga sanday Orlando Lundoz kag Ryan Rescutodio.
Antes sini ang mga blue guard kag ang watchmen ang yara sa idalum ni Progressive Alliance of Capitol Employees (PACE) President Renilo Lastierre, apang sa karun, ang blue guards ang ginsaylo na kay Nillas.
Ini agud maseguro ang kinaiya sa trabaho sa tunga sang watchmen kag blue guards.
Suno diri, seguruhon sini nga matuman ang trabaho sang mga Security Agency Personnel santo sa ila nga kontrata sa probinsya.
Ang mga watchmen ang yara gihapon sa idalum ni Lastierre kag nagapabilin nga empleyado sang Security and Safety Division sang provincial government.
Sila ang sarang naman nga maka-escort sa mga VIPs nga magabisita sa probinsya samtang ang trabaho lamang sang blue guards amo ang magbantay sa premises sang Provincial capitol.
Paathag ni Nillas nga ang mando ang wala sang kaangtanan sa issue sa pagkadula sang mga abono sa Office of the Provincial Agriculturist.
Ginpahayag naman ni Governor Eugenio Jose “Bong” Lacson sa iya nga ini ang wala sang madalum nga rason kundi gindugangan lamang ang load sini.
