Ginpahayag sang konsehal kag abogado sa ciudad sang Bacolod nga indi madagdagan sang impeachment complaint si President Ferdinand ‘Bongbong’ Marcos kun nagpasugot ini sa pagpadakop kay former president Rodrigo Duterte.
Sa interview sang Bombo Radyo Bacolod kay Councilor Atty. Renecito Novero, dapat macoordinate ang international police sa national ukon local police network para sa assistance sa pag-implementar sang warrant of arrest.
Suno kay Novero, ang International Criminal Court nagaprosecutes sa isa ka international crime basta may jurisdiction sa isa ka pungsod nga mahimo madakop ang akusado bisan diin lang.
Dugang pa sini, kun matabo man nga magpasugot si president Ferdinand ‘Bongbong’ Marcos nga magsulod ang ICC sa pungsod para dakpon si Duterte, indi man mapa-impeach ang presidente bangod wala man ini nasulod sa na-enumerate nga impeachable acts sa constitution sang Pilipinas.
