Atty. Revo Sorbito, magaserbe bilang bag-o nga election officer sang ciudad sang Bacolod

Magaserbe bilang bag-o nga election oficer si Atty Revo Sorbito sa ciudad sang Bacolod.

Suno kay Sorbito, epektibo sa Lunes, Agosto 26 ang pagpungko sini bilang bag-o nga election officer sang ciudad.

Suno diri, igasaylo si Atty. Katrina Trino Caña sa ciudad sang Silay kag dapat nga butangan sang tawo ang ginbayaan sini nga pwesto.

Apang matapos ang election period magabalik ang mga election officers sa ila ginhalinan nga area.

Ang reshuffling ang ginahimo agud nga indi mangin pamilyar ang mga election officers sa mga kandidato nga magapapili.

Ang filing sang Certificates of Candidacy (COCs) para sa 2025 midterm elections ang maga-umpisa sa Oktubre 1 tubtob 8 samtang ang midterm elections ang patigayunon sa Mayo 12, sa masunod nga tuig.