Nagpanugyan ang election officer sang Commission on Elections sa ciudad sang Bacolod sa mga aspirants nga magfile sang Certificate of Candidacy sang timprano pa.
Kaina sang aga, matawhay ang sitwasyon sa COMELEC office, samtang wala pa sang may nagpadulong sa opisina sang Liga ng mga Barangay para magfile sang COC.
Suno kay Atty. Revo Sorbito, mas maayo kun timprano pa nga magfile ang mga kandidato bangod kun kaisa may yara sang may mga corrrections, may kulang sa documents kag ano pa nga mga problema nga magluntad nga amo ang makapakomplikado sa ila nga filing sang COC.
Suno diri, sa pag-abot sang kandidato, ila ginatsekyar ang dokumento kag ini ang liwat pa gid nga maagi sa checking sang documents, kag amo na nga batunon ang ila pagfile sang COC.
Suno diri, sila ang magapatuman sang strikto nga pagproseso kag pagbantay sa filing sang COC.
Dugang pa sini, indi mahimo nga makasulod sa opisina sang Liga ng mga Barangay ang mga suporters sang mga candidates.
Pahanumdom ni Atty. Revo Sorbito nga ang ulihi nga adlaw sang filing sang Certificate of Candidacy ang tubtob lamang alas- 5:00 sang hapon sa Oktubre 8.
Suno diri, matapos ang filing sang COC ila ginatsekyar ang mga datos sang mga kandidato kag amo na nga ipagwa ang opisyal nga lista.
Dugang pa sini, sa Oktubre 8, alas- 4:30 sang hapon kun may mabaton sila nga form nga may deperensya kag indi na mahingagaw maproseso,ini ang indi na nila pagbatunon.
