Magabaton na sang bakunado nga mga turista ang Australia sumugod sa Pebrero 21.
Madumduman nga Marso 2020 sang ginsiraduhan sang pungsod ang ila borders bilang precautionary measures batok sa COVID-19.
Sa interview sang Bombo Radyo kay Bombo International Correspondent Denmark Suede direkta sa Australia, ginpahayag sini nga gin-anunsyar ni Prime Minister Scott Morrison nga pagabuksan na ang borders sang pungsod apang wala diri nalakip ang Western Australia tubtob nga makabaton sang booster dose ang 70 porsyento sang ila populasyon.
Suno kay Suede, nagpromisa ang federal government antes ang vaccination rollout nga kun may state nga makalab-ot sang 80 porsyento nga vaccine rollout, pagabuksan na ang travel.
Samtang, kun indi naman bakunado ang isa ka byahero ukon wala ginarecognize ang vaccine nga gintublok diri, dapat nga magpaidalum ini sa 14 days nga quarantine kag subject to approval pa kun makasulod ini sa pungsod.
Suno sa international correspondent, antes ang Pebrero 21, sirado sila sa international tours.
Ang malapit duha ka tuig nga pagsarado sang borders, suno kay Suede, ang isa sa ila pamaagi agud madelay ang paglapta sang virus antes pa man nagtuhaw ang Omicron variant magluwas sa pag-agum sang mataas nga vaccine coverage.
Suno diri, nakarecover naman ang ila tourism sector kag samtang maayo naman ang ekonomiya sa Western Australia bangud sa mining sector.
Ginsuguran naman sang tinalikdan nga semana ang pagbakuna sa mga naga-edad lima ka tuig tubtob 11-anyos.
Samtang, nagpanugyan man si Suede sa mga Filipino nga mamati sa mga medical experts pag-abot sa vaccination kag indi sa abogado.
