Wala na ginhatagan sang dako nga pagkilala ang nangin koronasyon ni King Charles III sang Mayo 6 sa Australia.
Sa interview kay Bombo International Correspondent Denmark Suede, nagpatigayon lamang sang 21 Gun Salute ang Australian Parliament.
Apang ang Sydney Opera House, nga sa masami ginapasiga ang suga sa tion sang mga World Events ang wala ginpasiga sa coronation day.
Ang rasun lamang sang mga ini amo nga magasto ini sa kuryente.
Apang ginalantaw ni Suede nga ang madalom nga rasun amo nga masobra 60 porsyento sang publiko ang nagasuporta sa pagsaylo sa Australian Republic.
Nahibaluan nga sa karun nga set-up, si King Charles ang may reserved power, nga ginahatag sa governor general ukon Hari sang Autralia kun sa diin sarang sini nga madisolve ang Parliament kag ang government.
Humalin sang natukod ang federation, 11 ka beses naman nga gindissolve ang gobyerno.
Sa pihak nga bahin, bangod ang Sydney Opera House ang ginapanag-iyahan sang State government, wala naman sang mahimo ang Federal government kun patyon nila ang suga apisar nga ginapatigayon ang koronasyon sang hari.
Paathag ni Suede nga magluwas sa 56 ka kabahin sa Commonwealth countries may-ara man sang ginatawag nga Commonwealth Realm nga ginabug-usan sang 14 ka pungsod kag kalakip diri ang Australia.
Ang mga ini ang nagakilala sa Hari sang Britanya bilang Head of State.
Apang bangod may na-appoint na nga Minister for Republic, ginalantaw ni Suede nga indi maabtan 10 ka tuig, madeklarar na nga republika ang Australia.
Samtang suno diri, sang nagtaliwan si Queen Elizabeth II, ginpatay man ang suga sa Sydney Opera House nga nagapakita lamang nga mas dako nga porsyento sang Autralian public ang indi pabor nga mangin hari si King Charles samtang mas dako naman ang porsyento nga batok kay Queen Camilla.
