Ginpaathag sang Outgoing President sang Autism Society Philippines- Bacolod ang tinutuyo sang “Angels Walk for Autism” program para sa mga ginikanan kag sa ila mga kabataan nga may autism.
Sa interview sang Bombo Radyo Wendy Arroyo, tinutuyo sang Angels Walk agud nga makilala kag mahatagan sang oportunidad ang mga autism kag mapabatyag sa ila nga kabahin sila sa society.
Ginpahayag man niya nga madamo sang mga ginikanan ang nagaagi sa “denial stage” antes madawat ang diagnosis sang ila kabataan.
Gani suno diri, ini nga programa ang nagabulig agud mapabatyag sa ila nga wala sila nagaisahanon kag may ara sang nagasuporta sa ila.
Suno diri, wala sang age limit ang amo nga programa kag isa ini ka paagi agud makilala kag ma-motivate ang mga may autism nga mangin produktibo sa ila tagsa ka mga talento.
Samtang suno naman sa iya bata nga si Joedy Marie Bernadette Arroyo Incoming ASP Bacolod Secretary kag isa ka sibling advocate, ini nga inisyatibo ang magahatag sang awareness sa publiko sa Autism Spectrum Disorder (ASD), nga nagalakip sang mga challenges kaangay sang social difficulties, kakulangan sa pag-intindi sang social cues, delay sa speech, echolalia, kag repetitive movements.
Ginpakigbahin man ni Joedy nga siya ang na-diagose nga may attention-deficit/hyperactivity disorder (ADHD).
Ginpasalamatan sang mga ini ang Bacolod City Local Governmnent Unit ilabi na si Negros Occidental Governor Eugenio Jose “Bong” Lacson kag sa iban nga orgnisasyon sa paghatag sang suporta sa programa.
