Yara na sa local election officers sa kabilogan nga Negros Island Region ang Automated Counting Machine para sa patigayonon nga road show sa Lunes, Disyembre 2, 2024 tubtob Enero 30, 2025.
Sa interview sang Bombo Radyo Bacolod kay Negros Island Region – Commission on Elections Regional Director Atty. Lionel Marco Castillano, 64 tanan ka ACMs ang gindala sa NIR; 32 sa Negros Occidental, 26 sa Negros Oriental kag anum sa Siquijor.
Suno kay Castillano, ini ang una nga kahigayunan nga ang tagsa ka Local Government Unit ang may tagsa ka ACMs nga idemonstrate indi kaangay sang nakaligad nga may yara lamang sang tagduha ka ACMs sa kada rehiyon.
Sa karun malabay pa sa checking process ang machines kun bala functional ang mga ini, antes ibutang sa road show sa Lunes.
Nagkooridnar naman ang Commission on Elections (COMELEC) sa Philippine National Police para sa security samtang ginapatigayon ang road show.
