Natalana na nga ipadala sa tagsa ka banwa kag ciudad sa Negros Occidental ang Automated Counting Machines kag iban pa nga Election paraphernalia sa masunod nga semana.
Sa interview sang Bombo Radyo Bacolod kay Atty Ian Lee Ananoria, naka-abot na ang tanan nga ACMs para sa probinsya kaina sang aga.
May pila lamang nga ginbalik bangod may defect, apang pasalig sini nga kumpleto ang magamit sa eleksyon sa Negros Occidental.
Ang ACMs ang plano nga ipadala ni Ananoria sa mga local government units early next week.
Samtang ang official ballots naman ang idistribute mahimo late next week.
Suno kay Ananoria ang dispatch pa lamang sang official ballots ang ila nahibaluan kag wala pa sang schedule kun san-o maga-abot sa probinsya apang ginalantaw sini nga antes matapos ang subong nga Semana.
Pasalig sini nga ila man nga i-anunsyar inkaso mag-abot ang mga official ballots ilabi na nga may mga kandidato man nga magapadala sang ila tagsa nga mga watchers.
