Ginahulat pa sa karun sang Talisay City Police Office ang resulta sang autopsy sa bangkay sang isa ka babayi nga nasapwan nga wala na sang pang-idalom nga panapton sa Hacienda Nilo Lizares, Barangay Matab-ang, ciudad sang Talisay, Negros Occidental, Domingo sang aga, Enero 12.
Ginkilala ang biktima kay Carl Kimberlyn Degabi, 32-anyos kag residente sang Santa Catalina Street, Eroreco Subdivision, Barangay Mandalagan sa siudad sang Bacolod.
Madumduman nga nasapwan si Degabi nga nakahapa, may suksok nga puti nga t-shirt kag maong nga short pants apang nakapanaog na ang pang-idalom sini nga panapton kag wala na sang underwear.
Sa interview sang Bombo Radyo kay Police Major Rhazl Jim Jocson, Deputy Chief of Police sang Talisay City Police Station, ginahulat pa ang resulta sang autopsy sa bangkay sang biktima agud nga mahibaluan ang rason sang kamatayon sini.
Suno kay Jocson, may yara naman ang Talisay City Police Station sang persons of interests.
Suno diri, tatlo sagihapon nga anggulo sa pagpatay sa biktima ang ginalantaw sang mga kapulisan ini ang ginalakipan sang ginhimuslan ini santo man sa nakita nga wala na sang panapton; mga post sa social media nga nangscam kag may ginpasakaan ini sang kaso.
Ginaverify pa sang mga kapulisan kun ano nga kaso ang ginpasaka sini.
Nagapadayon ang imbestigasyon sang Talisay City Police Office sa kamatayon ni Degabi.
Samtang ang biktima ang may tatlo ka mga kabataan.
Ini ang nagatrabaho bilang call center agent kag ang bana sini ang nagatrabaho bilang seafarer.
Wala man ini nagapanugid sa iya mga ginikanan sang mga nagakatabo sa iya.
Antes pa man ang biktima napatay naglisensya pa ini nga magwa agud maginom-inom.
