Indi pa matumod sa resulta sang autopsy examination sa bangkay ni Pearl Joy Galve kun ini ang ginhimuslan, apang kaangay nga ginkastigo ang biktima.
Sa interview sang Bombo Radyo Bacolod kay Police Lt. Col Lymel Pasquin, hepe sang La Carlota City Police Station, nakagwa na ang resulta sang autopsy examination.
Sa personal sini nga interpretasyon sa resulta, ginalantaw sang hepe nga ang biktima ang ginkastigo bangod ini ang may mga concussion ukon lagob-lagob sa ulo, liog, dughan, abdomen kag pelvis.
Apang bangod nagaka-agnas na ang bangkay, mabudlay ang pagtumod kun ini ang ginhimuslan antes ginpatay.
Sa karun ginahulat pa nila ang dugang nga findings sang mga doktor, kag wala paman ma-establishar kun pila na ka adlaw napatay ang dalagita antes masapwan.
Sa karun sila ang wala paman sang matumod nga suspect sa krimen.
Madumduman nga si Pearl Joy ang nadula sang Hulyo 29 sa Barangay Sum-ag Bacolod City kag nasapwan sang Agosto 14 sa kakampuhan sa Barangay Cubay, La Carlota City.
