Autopsy result sang bangkay sang 5 anyos nga nasapwan sa sapa sa Brgy Handumanan matapos mamissing sang Disyembre, ginahulat pa

Ginahulat na lang ang autopsy result sa bangkay sang lima ka tuig nga bata nga nasapwan nga wala na sang kabuhi sa sapa sa Prk Sto Domingo, Brgy. Handumanan, ciudad sang Bacolod.

Madumduman nga namissing si Quenie Aguirre sang Disyembre 21 kag nasapwan na wala na sang kabuhi sa sapa sang Disyembre 28, 2024.

Sa interview sang Bombo Radyo Bacolod kay Police Captain Sherwin Galupar, station commander sang Bacolod Police Station 10, ginpa-autopsy ang bangkay sang Disyembre 30 apang pito pa ka adlaw ang hulaton antes nga maggwa ang result.

Suno diri, lauman nga sa Enero 6 yara na ang result.

Ginpa-cremate naman ang bangkay sang biktima sa bulig sang Bacolod City Government bangod nga yara na sa advanced state of decomposition na ang bangkay.