Opisyal na nga nabatun sang Bombo Radyo Philippines ang award bilang major winner sa 46th Catholic Mass Media Awards (CMMA), sa awards night nga ginpatigayon kagab-i.
Madumduman nga ang Bombo Radyo Philippines ang nakadaog sang top honors kag nominations gikan sa nanarisari nga kategorya.
Ang flagship sang network nga Bombo Network News ang nakadaog sang prestihiyoso nga Best News Program award, samtang ang Afternoon Starsweep sang Star FM Bacolod ang ginkilala nga Best Entertainment Program.
Nakabatun man sang special citations ang network gikan sa apat ka mga programa nga ginalakipan sang Best Business Program kag Best News Commentary para sa Bombo Special Report sang Bombo Radyo Philippines; Best News Feature para sa Bombohanay Bigtime sang Bombo Radyo Koronadal kag Good Morning Philippines sang Bombo Radyo Laoag.
Ginpadayaw sang Bombo Radyo Philippines ang ikasarang sa industriya pinaagi sa pag-angkon sang final spot sa walo gikan sa siyam nga CMMA categories, pinaagi sa pagshowcase sang mataas nga kalibre nga content nga nagareflect sa Filipino audiences nationwide.
Magluwas diri, ang Bombo Radyo Philippines ang nangin finalist man sa Best Counseling Program para sa Kahapon Lamang sang Bombo Radyo Dagupan; Best Drama Program para sa Recuerdos Dela Vida sang Bombo Radyo Vigan kag The Messiah sang Star FM Cebu; Best Educational Program para sa Bombo Special Report sang Bombo Radyo Philippines) kag The Visita Iglesia sang Bombo Radyo Legazpi; Best News Commentary para sa Bombohanay Bigtime sang Bombo Radyo Baguio; Best News Feature para sa Bombohanay Bigtime sang Bombo Radyo Koronadal kag Good Morning Philippines sang Bombo Radyo Laoag kasubong man Best News Program para sa Bombo News and Views Morning Edition sang Bombo Radyo Cebu.
Napakita sa Catholic Mass Media Awards ( CMMA) subong nga tuig ang mga interesante nga internal competition gikan sa mga programa sang Bombo Radyo sa mga kategorya kaangay sang Best News Program, Best News Feature, Best News Commentary, Best Educational Program, kag Best Drama, nga nagapakita sang consistent nga kalidad sang mga content gikan sa nagkalainlain nga stations sang network.
Ang Catholic Mass Media Awards (CMMA), nga kilala sa paghatag sang pasidungog sa media nga nagpromote sang Christian values, ang liwat nga nagkilala sa dedikasyon sa engaging, informative, kag value-driven broadcasting sang Bombo Radyo Philippines, ang standard nga ginapakita sa malapad nga audience base ukon tagpalamati kag mga tumalan-aw.
