Nagdangop sa Ipa-Bombo Ta segment sang Bombo Radyo Bacolod ang awardee sang Yolanda Housing sa Brgy E. Lopez, Silay City matapos ginbawi sang Silay Housing Authority ang balay kag ginhatag sa iban.
Sa interview sang Bombo Radyo Bacolod kay Melaie Bulalacao, ang balay sa Block 33, Lot 8, Phase 1, Malipayon Village sa Brgy E. Lopez ang gin-award sa iya sang Disyembre 28, 2022.
Apang nagakaguba na ang bentana kag pertahan sini nga natalana pa kuntani nila nga ipakay-o.
Nakabakal na ini sang piyertahan nga yara naman sa balay, nga igatakod nalang kuntani apang siya ang wala pa nakabakal sang bisagra.
Natabuan naman nga na-ospital ang iya bata nga estudyante sang Setyembre 2025, gani sila ang temporaryo anay nga naglumon sa isa pa sini ka bata sa Brgy Balaring.
Ini bangod indi man sini mabilin ang iya bata nga bag-o lamang nakagwa sa ospital sa balay nga wala sang piyertahan ilabi na nga siya ang nagalibod sang baligya.
Naka-estorya naman ini kay Noel Doloriac, officer in charge sang Silay Housing Authority kag nagpahibalo nga amat-amat lamang nila nga ginapakay-o ang balay.
Apang sang hawayan na kuntani sini sang Disyembre 2025 ang palibot sang balay agud matakod na ang piyertahan, nakibot ini nga may mga ginahuman na nga hollow blocks nga pader.
Didto lang sini nahibaluan nga ginbawi na ang iya certificate of housing unit allocation kag ginhatag sa iban ang balay.
Nag-ayo pa ini sa bag-o nga tag-iya nga indi anay padayunon ang rennovation ilabi nga yara pa sa sulod sang balay ang ila mga gamit, apang kaangay nga ginpadalian pagid ang pagkay-o.
Pahayag sa iya nga ang rasun sa pagbawi sang balay ang bangod wala sang may naga-istar.
Apang pahanumdom sini nga yara ang ila mga gamit sa sulod, kag kun sila ang magpauli sa masami gab-i na bangod siya ang nagatrabaho.
Ginsugilanon sini si Doloriac sang Enero 10, apang siya ang gintugyanan nga magdangop kay Mayor Joedith Gallego.
Sekretarya lamang sang alkalde ang nag-atubang sa iya kag siya ang liwat nga ginpasa sa Silay Housing Authority.
Siya ang gintanyagan nga hatagan sang bag-o nga housing unit, apang panindugan ni Bulalacao, nga kuntani ang ulihi nila nga gin-awardan amo ang isaylo sa lain.
Dugang pa sini nga siya ang legitimate nga biktima sang Bagyo Yolanda, indi kaangay sa iban nga mga ginhatagan sang housing units nga may mga salakyan pa kag wala man gina-estaran ang balay.
Ginlab-ot man sang Bombo Radyo si Doloriac, kag ini ang nagpasalig sang interview.
Apang ini ang wala man bangod sa madamo nga mga balibad sang opisyal.
