Away batok sa RSSI, mas mangin mahapos kun magadeklarar sang State of Calamity ang Negros Occidental suno sa SRA Board Member

Ginpahayag sang board member sang Sugar Regulatory Administration nga kun makadeklarar sang state of calamity ang Provincial Government sang Negros Occidental angot sa epekto sang Red-striped Soft Scale Insect (RSSI), mas madasig ang proseso sa pagprocure sa mga kinahanglan sa pagbato sa mga peste.

Suno kay Dave Hanson, may yara sang P10 million sa Department of Agriculture kag P5 million sa SRA nga mahimo magamit kun magdeklarar ang probinsya sang state of calamity.

Suno diri, kun may deklarasyon na, mas mahapos ang proseso agud maggamit ang kwarta para masolusyonan ang halit sang peste sa mga pananom sa probinsya.